അടിമാലി: അടിമാലി കൊന്നത്തടി പഞ്ചായത്തിലെ കൈലാസം നിവാസികൾക്ക് അടിമാലി ബ്ലോക്ക് പഞ്ചായത്ത് അനുവദിച്ചു നൽകിയ കുളത്തിൽ നിന്നും ടാങ്കിൽ നിന്നും കുടിവെള്ളം നിഷേധിക്കുന്നതായി പരാതി. കുളവും വാട്ടർ ടാങ്കും സ്ഥിതിചെയ്യുന്ന സ്ഥല ഉടമയാണ് കുളത്തിൽ നിന്നുവരുന്ന ഹോസും മോട്ടോർ ലേക്കുള്ള വൈദ്യുതി കണക്ഷനും വെട്ടി നശിപ്പിച്ച് ജനങ്ങളുടെ കുടിവെള്ളം തടസ്സപ്പെടുത്തുന്നത്. പോലീസിൽ മുതൽ മുഖ്യമന്ത്രിക്ക് വരെ പരാതി നൽകിയിട്ടും സ്ഥലമുടമയുടെ ഉപദ്രവം തുടരുകയാണ്.